Planong pagpapalagay ng Tollways sa EDSA, bintikos ng netizens

 

Larawan ay mula sa pep.ph

Inalmahan at umani pa ng bayolenteng reaksiyon mula sa publiko ang pahayag ni Alberto Suansing, Assistant Secretary ng Department of Transportations (DOTr) nang sabihing pinag-aaralan daw ng kanilang ahensya ang paglalagay ng tollways sa EDSA.

Larawan ay mula sa pep.ph

Layunin daw nitong bawasan ang bilang ng mga sasakyan at madagdagan daw ang kita ng pamahalaan.

Ipinaalam ito ni Suansing noong gabi ng Miyerkules (Agosto 19) sa isang episode ng “The Chiefs”, talk show sa “One News” nina Ed Lingao, Roby Alampay, at Amy Pamintuan.

Ani DOTr Assistant Secretary, “We will also be introducing parang sa Singapore, the tolling. Like, let’s say for example, thirteen hours of the day – from seven o’clock in the morning until 10 o’clock in the morning, and then again, four in the afternoon until nine o’clock in the evening.

Larawan ay mula sa pep.ph

Kapag dumaan ka diyan sa stretch ng EDSA, let’s say from Quezon Avenue hanggang dun sa Roxas Boulevard, you have to pay toll, RFID [radio frequency identification] na.

That’s both a volume reduction measure and revenue generating measure.

Next year na ‘yan kasi you can only do that if you have an efficient transport facility,” saad pa ni Suansing.

Kahit sa susunod na taon pa raw ito ipatutupad kung saka-sakali, inaalmahan na ito ng publiko ngayon pa lang.

Ibig sabihin daw kasi nito, madaragdagan na naman ang gastos ng mga tao sa kanilang araw-araw na pagbiyahe sa makasaysayang kalsada.

Hindi raw ito matanggap ng maraming Pilipino. Galing na raw kasi sa buwis nila ang ginagastos upang may ipampagawa ng mga kalsada, kabilang na ang EDSA, subalit tila “igigisa” pa raw sila sa “sarili nilang mantika” at pagbabayarin pa ng toll fee para lamang makadaan sa EDSA.

Source: pep.ph

Source: Furry Category