Babae, sumanngguni kay Tulfo matapos iwan ng Nobyo ‘LAST MINUTE’ Bago ang kanilang kasal
 |
| Source: Raffy Tulfo in Action - Youtube Channel |
Sumangguni sa programa ni Raffy Tulfo nito lamang Nobyembre 19 ang isang babaeng iniwan umano ng nobyo isang araw bago ang itinakda nilang kasal.
Matapos ang 22 buwang relasyon, nakatakda na raw sanang ikasal si Mary Grace Dollete sa kaniyang fiancé na si Lendo Romero nitong Nobyembre 20, kasabay ng kaarawan niya.
Nakahanda na raw ang lahat – mula sa mga kasuotan, invitations, mga larawang patunay na nag-seminar nga ang dalawa sa simbahan, at marami pang iba. Subalit bigla na nga lamang daw umatras ang “groom” at ayon kay Mary Grace, dahilan daw ni Lendo na masungit siya at “nagsawa” na raw siya sa ugali ng kaniyang kasintahan.
Ngunit ayon naman kay Lendo, matagal na raw siyang “nasasakal” kay Mary Grace. Lagi rin daw silang nag-aaway at ang laging dahilan: ayaw raw ni Mary Grace na umuwi si Lendo sa kanilang lugar sapagkat baka raw makipagkita ito sa kaniyang ex-grilfriend doon. Gusto lamang naman daw ni Lendo na makapiling ang kaniyang pamilya.
Subalit sabi naman ni Mary Grace, may bago na raw girlfriend si Lendo at “live in” na raw sila sa lugar ng lalaki. Mga huling linggo raw ng Oktubre nang may mga nagbabalita na sa kaniyang may ibang hinahatid-sundo si Lendo. Kinausap daw ni Mary Grace si Lendo tungkol dito subalit sinabi raw ng lalaki na wala lang iyon.
Nang tinanong naman ng host na si Raffy Tulfo kay Atty. Garreth Tungol, Chief of Staff – Office of Rep. Jocelyn Tulfo (ACT-CIS Partylist), maaari daw makasuhan ni Mary Grace si Lendo dahil sa “emotional and psychological abuse” na iniwan nito sa kaniya matapos kanselahin ang kanilang kasal sa huling minuto nito.
Nang tinanong naman kung balak pa ba nilang ituloy ang kasal o maayos man lamang ang kanilang relasyon, pareho nang tumanggi ang dalawa at sinabing wala na silang balak na magbalikan pang muli.
Source: Raffy Tulfo in Action - Youtube Channel
Source: Furry Category
No comments