Matandang lalaki Nadapa sa kakahabol ng ibinibigay na Relief Goods
 |
| Larawan ay mula sa post ni Apreil-Jhoiyze Juan Cabacungan-Bayucan - Facebook |
Nagdulot ng napakatinding pinsala sa Cagayan Valley at Isabela ang nagdaang bagyong Ulysses. Dahil dito, lubog sa baha ang halos lahat ng lugar, maging ang bahay ng mga tao. Bukod sa problemang paano ulit magsisimula, uhaw at gutom din ang kinahaharap ng mga residente.
Sa ngayon ay umaasa ang mga taong nasalanta ng bagyo sa mga ipinamimigay sa kanilang relief goods ng gobyerno at ng ilang mga kababayan.
At kamakailan lang ay nag-viral ang isang TikTok video kung saan nadapa umano ang isang matandang lalaki matapos habulin ang ipinamimigay na mga relief goods. Kinilala ang naturang lalaki bilang si Lauriano Anung Pattaui ng Barangay San Isidro, Iguig, Cagayan.
Ibinahagi naman ng netizen na si Apreil-Jhoiyze Cabacungan-Bayucan ang TikTok video nito. Makikitang puno ng alikabok at tuyong putik ang mukha ni Pattaui na nakuha niya umano mula sa pagkakadapa. Hinabol daw niya ang relief goods na ipinamimigay ngunit hindi na siya nakakuha sa kadahilanang naubusan na siya. Mababakas sa kanyang mukha ang pagkadismaya na wala siyang nakuhang relief goods na maiuuwi sana para sa kanyang pamilya.
Matapos mag-viral ang video, bumuhos ang tulong kay Pattaui mula sa mga nagmalasakit na mga netizen. Nabigyan ang lalaki ng mga pagkain at iba pang bagay na kailangan ng kanilang pamil ya.
Dinagsa ng tulong si Pattaui na biktima ng bagyo sa Cagayan na una nang nagviral matapos madapa dahil sa paghabol sa ipinamimigay na relief goods, pero sa kasamaang palad ay siya ay naubusan.
Dahil sa mga nagpaabot ng tulong, nabigyan si Tatay Lauriano ng mga pagkain at iba pa nilang pangangailangan ng kanyang pamilya, habang patuloy pa ang pagbuhos ng ayuda mula sa mga nagmamalakasit na netizens.
Source: Apreil-Jhoiyze Juan Cabacungan-Bayucan - Facebook
Source: Furry Category
No comments