Mamang Sorbetero na may kakaibang pakulo pinagkakagulohan ngayon sa social media
 |
| Larawan: Screenshot mula sa video ng 24oras - GMA News |
Ibang-iba ang estilo ng isang sorbetero sa Maynila, maging ang ginawa ng isang food delivery service app rider, upang mapasaya ang kanilang kapwa. Sa Facebook page ng “24 Oras,” mapapanood ang kanilang kuwento.
Nag-viral online ang isang ice cream vendor sa Maynila matapos siyang hangaan ng mga netizens sa kanyang kakaibang paandar sa pagtitinda. Siya ay si Brother Jun Lebrilla: nakasuot siya ng long sleeves at tie habang tulak ang ice cream cart. Bukod dito, kapansin-pansin din ang tila bulaklak na porma ng kanyang inilalakong sorbetes na nakalagay sa apa.
Naging suki siya ng mga hotel at sa iba’t ibang mga events. Dahil sa pandemya, pansamantalag natigil ang negosyo ni Lebrilla. At mabuti na lamang dahil nakabalik na muli siya sa kanyang pagtitinda.
Ani nga ni Lebrilla, “Kahit ano man na ginagawa natin, kailangan na maayos tayong tignan. Hindi para magpanggap, kundi para huwag tignan na mababa ang isang tao, para sabihin na ‘Ah vendor lang,’ para mas maraming bumili. Mas maayos ka, mas maganda ang response ng tao.”
Samantala, saya rin ang hatid ni Mark Berdan, isang food delivery service app rider. Namimigay siya ng mga burgers na nadadaanan niya sa lansangan. Ngunit ang mga burgers na kanyang ibinabahagi ay nanggaling sa kanyang customer.
30 pirasong burger ang in-order ng customer; pero imbes na sa kanya ihatid ang mga ito, sinabihan ng customer si Berdan na ibigay ito sa mga nagugutom sa lansangan. Hindi lang daw nakabubusog ng tiyan ang mga burgers, kundi nakabubusog din ng puso.
Source: GMA News - 24Oras
Source: Furry Category
No comments