Tindero ng Parol, muling sumigla ng bilhin lahat Ni Mayor Isko Moreno ang order na Parol na hindi kinuha ng Buyer
 |
| Larawan ay mula sa Google at Philippine Star Facebook Page post |
Ilang araw na lamang ay Pasko na: nariyan na rin ang mga tindero ng bibingka at puto-bumbong, maging ang mga gumagawa ng mga parol, na patuloy pa rin sa pagkayod sa kabila ng nararanasang pañdemya.
Ngunit, kay sakit isipin na sa hirap na kinahaharap ng lahat, ay mayroon pa ring nakapanloloko sa kanilang kapwa.
Nanlumo ang isang tindero ng parol matapos hindi kunin ng customer ang in-order nitong parol na nagkakahalaga ng mahigit P100,000.
Ibinahagi ng parol maker na si Max Simon sa kanyang social media account ang naging karanasan niya. Isang customer daw ang um-order sa kanya ng mga parol na umabot sa halagang P100,000.
Noong una ay inakala niyang nakakuha na siya ng “ginto,” dahil ang makatanggap ng ganoong karaming order sa kabila ng pañdemya ay isa nang malaking biyaya. Ilang linggo nilang ginawa ang white lanterns. Subalit, nang ide-deliver na umano ang mga parol ay doon lamang niya nalaman na siya ay na-scam.
Mababasa rin sa post ni Simon, “Di na kukunin yan ng buyer. Sayang 100k lahat bayad yan, paano na ako baon na naman ako sa utang.” Ibinahagi niya rin ang isang video kung saan makikita ang mga “ready-to-sell lanterns” sa isang warehouse.
Makikita rin ang kanyang mga trabahador na nakaupo sa sahig na nawalan na rin ng pag-asa nang matuklasan nilang hindi na babayaran ng buyer ang kanilang mga pinaghirapang parol.
Hindi rin umano mapigilan ni Simon na maging emosyonal matapos masayang ang kanilang pagod sa pagtatrabaho, magawa lamang ang mga parol.
Subalit ang lahat ng kalungkotan at panghihinayang ni Simon ay napalitan ng kagalakan ng bilhin lahat ni Mayor Isko Moreno ang lahat ng parol na ginawa ni Simon.
Matapos ngang maging viral ng nasabing post, hindi naman nagdalawang isip si Mayor Isko na bilhin lahat ng mga parol mula sa nasabing parol maker noong Biyernes.
Sa isang post ng asawa ni Tatay Lakay Junior, ibinahagi niya ang larawan kung saan makikita ang mga produkto ng kaniyang asawa na dinadala na ng mga staff ni Mayor Isko.
Labis din ang pasasalamat ni Arlene at ni Tatay Lakay para kay Mayor Isko.
Source: Philippine Star - Facebook Page
Source: Furry Category
No comments