Nalungkot ang maraming Netizen, sa Isang Lalaki na Nagdiriwang ng Kanyang ika-69 na Kaarawan sa isang Fast Food Chain
 |
| Larawan ay mula sa Facebook post ni Trixie Ann Eras Manuel |
Umantig sa puso ng mga netizens ang isang post sa social media kung saan makikita ang isang lalaking nagdiriwang ng kanyang kaarawan nang mag-isa.
Sa ini-upload na mga larawan at video ng netizen na si Trixie Ann Eras Manuel, isinalaysay niya kung paano nila nakita ang isang lalaki na nagdiriwang ng kanyang ika-69 na kaarawan sa isang fast food chain.
Caption nga sa naturang post, “Sobra akong nalungkot nang makita namin si Tatay sa isang fast food chain, Hindi ko alam kung anong magiging reaksyon ko sapagkat ngayon lamang ako naka-saksi ng ganitong uri ng pangyayari sa buong buhay ko. Akala ko sa mga drama lang nangyayare ito pero hindi! Sine-celebrate ni Tatay ang kanyang ika-69 taon ng mag-isa at walang kasama. Habang ipinapakita ni Tatay ang kanyang handa sa kanyang asawa't mga anak sa pamamagitan ng pagtawag sa telepono hindi ko alam kung anong lungkot ang bumabalot sa aking puso. Para sa iyo Tatay nawa'y bigyan ka pa ng panginoon ng lakas para sa mga pagsubok na haharapin mo pa sa buhay. Mag-iingat ka po lagi Tay MALIGAYANG KAARAWAN PO SA IYO TATAY AT PAGPALAIN KA
Crdt: Marx Aianne Kyle Mendez JD Flores Edward Ysmael May ”
Sa nakalakip na mga larawan, mapapansing kinukunan ng matanda ng litrato ang kanyang mga handa at tila may kausap din siya sa kanyang cellphone. Sa 16-second-video, mapapanood na kinakantahan siya ng mga crew at ng iba pang mga taong nasa fast food chain.
Bumati rin ang ilang mga netizens sa pamamagitan ng pagkomento sa nasabing post.
“happy bday poh tatay.. naluha nnaman ako kase naalala ko ang Papa ko”
“Happy birthday tay more bday to come ingat ka lage god bless”
“Happy birthday tatay. Stay healthy!”
Umani na ng mahigit 23,000 reacts, 855 comments, at 16,000 shares ang post
Source: Furry Category
No comments