Babae hindi naging hadlang ang pagiging bulag, nagtapos bilang Summa Cum Laud at Magna Cum Laude sa dalawang kurso
 |
| Source: Minnie Aveline Juan |
Nagtapos bilang Summa Cum Laude at Magna Cum Laude ang isang babaeng bulag sa dalawa niyang kurso.
Pinatunayan ni Minnie Aveline Juan na hindi hadlang ang kanyang kapansanan upang tuparin ang kanyang mga pangarap. Ipinanganak man siyang bulag, sinuportahan naman siya ng kanyang mga magulang na sina Dr. Angelo Juan at Dr. Maria Lilia Juan na magkaroon ng normal na buhay tulad ng kanyang tatlong iba pang mga kapatid.
| Source: Minnie Aveline Juan |
Nag-aral si Juan nang mabuti at nagtapos siya ng elementarya at sekondarya ng may karangalan. Patunay ang kanyang mga medalya na kaya niyang magtagumpay anuman ang haraping suliranin sa buhay.
| Source: Minnie Aveline Juan |
Bukod dito, pumasok siya sa Trinity University of Asia sa Quezon City at kumuha ng kursong Bachelor of Arts in English. Humanga ang marami nang magtapos siya bilang magna cum laude.
| Source: Minnie Aveline Juan |
Ngunit hindi dito nagtatapos ang mga hangarin ni Juan. Gusto niyang tulungan at bigyan ng oportunidad ang mga batang katulad niya. Kaya naman, kumuha siya ng Bachelor of Elementary Education Major in Special Education sa Virgen Milagrosa University sa San Carlos City, Pangasinan. Mas lalo siyang hinangaan nang magtapos siya bilang summa cum laude sa pangalawa niyang degree.
| Source: Minnie Aveline Juan |
Sa kasalukuyan, tinuturuan niya ang mga special education students sa Virgen Milagrosa Univeristy at patuloy pa rin siyang nagbibigay inspirasyon sa ibang tao. Happily married na rin si Juan at mayroon na rin silang anak.
Source: Furry Category
No comments