Kubang lola, nagtitinda pa rin ng puto para lamang may maipakain sa dalawang apo na iniwan ng kanyang anak sa kanya
 |
| Source: Charles Kenneth Gamalo Capricio/ Facebook |
Nagtitinda ng puto ang isang lola para lamang may maipakain sa dalawa niyang apo na iniwan sa kanya ng kanyang anak.
| Source: Charles Kenneth Gamalo Capricio/ Facebook |
Naging usap-usapan sa social media ang larawan ng isang matandang babae na nagtitinda ng puto sa madaling araw. Makikita sa kanyang mukha ang hirap na dinaranas; idagdag pa na malala na ang kanyang pagkakuba. Gayunpaman, kumakayod pa rin siya sa kabila ng kanyang sitwasyong kinalalagyan.
| Source: Charles Kenneth Gamalo Capricio/ Facebook |
Ang larawan ng lola ay ibinahagi ng netizen ang umano na nakakita sa matanda na nagbebenta ng puto. Naawa ito sa lola kaya binigyan niya ito ng P100. Nang iabot ito ng nasabing netizen, nagulat siya nang abutan siya ng tatlong balot ng puto ng matanda.
Hindi niya ito tinanggap at sinabihan ang matanda na ibenta na lamang niya ito sa iba; tulong na rin daw niya ang perang kanyang ibinigay. Lubos namang nagpasalamat at natuwa ang lola at sinabing ipagdarasal niya ito.
| Source: Charles Kenneth Gamalo Capricio/ Facebook |
Narito ang buong post:
"Nakasabay ko lamang si nanay kanina sa daan. Nadurog ang puso ko nang makita siya ng ganun. Napakasipag naman ni nanay talaga kasi nagtitinda po siya ng puto tuwing madaling araw. Kahit na po ganyan na ang katawan nya ay gumagawa pa rin ng paraan para buhayin nya ang dalawang apo nya na iniwan ng anak niya sa kanya Grabe naiyak ako sa kuwento niya binigyan ko na lang ng 100 pesos at sabay bigay niya sa akin ang 3 plastic na puto, sinabi q huwag na nay tinda mo na lang yan pandagdag sa kita nyo at pagtyagaan mo nlang yan dahil yan lang ang laman ng wallet q. Natuwa naman si nanay at ipagdadasal daw nya ako. Ang sarap ng pakiramdam na sa kunting halaga lang may napasaya kang tao. Magkikita pa rin tayo nay tuwing umaga. Salamat po sa pag share ninyo sa page ninyong Matalinong Matsing kay nanay na sana maipakalat ninyo at maabutan man lang siya ng kaunting tulong. Sana pag nakita ninyo siya sa madaling araw ay bilhin nyo na lahat ng puto ni nanay."
Maraming netizen ang naantig at kinaawaan ang naging kalagayan ng matanda, narito ang ilang mga comments:
"Godbless u po nanay naway may magandang loob na makpag alay Ng tolong po sa inyo Sana kayong nagpopost Ng ganito sabihin nio Kung taga saan at Kung Saan makitkita pr mas mabilis makarating Ang tolong."
"Nakakawa po xa,kailangan Yan matulongan, pag ganon sitwasyon nea dapat nga mga ganon edad na matatanda,Dena naghahanap buhay nakaka away po."
"God blessed po nanay, samahan ka nawa ng poongmay kapal."
"Sana naman matulongan nyo po si nanay kc bukod sa matanda na yong kalagayan nya talagang dapat maabutan ng tulong."
Source: Furry Category
No comments