Napaiyak na lamang ang isang security guard matapos humingi ng tulong sa kadahilanang mahigit isang linggo na umano siyang diretsong nagtatrabaho

Source: Tulfo Nation

Sa Facebook page na “Tulfo Nation,” mapapanood ang isang video na ini-upload noong Abril 06 kung saan makikita ang isang lalaking sekyu na nananawagan at umaasang makarating kay Raffy Tulfo ang kanyang hinaing.

Source: Tulfo Nation

Wala raw ipinadala ang kanyang agency na ibang tao para pumalit sa kanya. Maya-maya pa ay hawak na niya ang isang logbook bilang patunay na ilang araw na siyang nagtatrabaho nang walang pahinga. Marso 28 siya nang magsimulang mag-duty at patuloy pa rin siyang naka-duty hanggang Abril 05.

Source: Tulfo Nation

“Nagtataka ho ako bakit ako nag-iisa lang dito. Dalawa ho kami nagdu-duty dito. ‘Yong kasama kong naka-duty nanood lang siya ng sabong, nagkataon ho na may barangay, nagkahulihan. Nahuli ko ‘yong kasama ko sa barangay. Ako na lang nag-duty mag-isa noong March 28 hanggang ngayon po.”

Source: Tulfo Nation

Pinuntahan daw siya ng kanyang operation manager kung kumusta ang kanyang kalagayan, at hindi pa raw ibinibigay ang kanilang sahod. Binigyan lamang daw siya nito ng P100 para sa kanyang pagkain at saka umalis. Ayon sa sekyu, kakayanin niya ang pagod at puyat sa trabaho, ngunit hindi niya kayang tiisin ang paghihirap ng kanyang pamilya.

Inihayag din niya ang kanyang saloobin kung bakit ganoon ang ginagawa ng kanilang agency gayong nagtatrabaho naman daw siya nang maayos.

Sa ngayon ay mayroon ng mahigit 2,100 reacts at 1,200 comments ang naturang video.

Source: Tulfo Nation

Source: Furry Category