Batang inabandona at naging palaboy noon, isa nang ganap na Scientist ngayon sa Amerika

Larawan ay mula sa thedailysentry

Viral ngayon sa social media ang kuwento ng isang batang inabandona at naging palaboy noon, subalit isa nang ganap na scientist ngayon sa Amerika.

Nagmula raw sa Project 8, Quezon City si Fernando. Kuwento niya, anim na taong gulang pa lamang daw nang inabandona na sila ng kanilang mga magulang sa hindi malinaw na dahilan.

Larawan ay mula sa thedailysentry

Hanggang sa kasalukuyan, hindi pa rin daw malinaw kay Fernando at sa kanyang mga kapatid ang rason kung bakit sila iniwan sa kalye ng kanilang ama at ina.

Naging palaboy raw sa kalye ang magkakapatid. Dahil dito, dinala sila sa bahay-ampunan subalit hindi raw naging madali ang buhay nila roon, ayon kay Fernando, dahil madalas daw silang makaranas ng hindi maganda.

Dulot nito, naisipang umalis ni Fernando mula sa bahay-ampunan at mas pinili niyang manirahan sa kalye at mamulot na lamang ng basura upang may maibenta siya at maitawid ang pang-araw-araw na makakain.

Hindi nagtagal, bumalik si Fernando sa bahay-ampunan dahil natuklasan niyang kukupkupin na ng isang pamilya ang kanyang mga kapatid at dadalhin sa Amerika.

Ayon kay Fernando, “So, they were gonna be adopted, just the two of them, and then one kid ran away from the orphanage looked for me, he said: Your brothers [are] gonna go and get adopted, so better go back, so I went back… I’m not stupid, right? I came back.”

Isinama si Fernando sa mga kukupkupin at dadalhin sa Amerika. Ngunit, hindi naging madali ang kanilang buhay roon kaya muli silang ibinalik sa bahay-ampunan.

Hindi naglaon, may bagong pamilya na nagnais silang kupkupin: ang mga Kuehnels na mula rin sa Amerika.

Ang magkakapatid ay itinuring ng pamilyang Kuehnels na parang kanilang tunay na anak, at sila nga’y kanilang pinag-aral.

Larawan ay mula sa thedailysentry

Nagsumikap si Fernando sa pag-aaral at siya’y nagtapos sa kursong BS Nursing at Summa Cum Laude rin siya sa business administration in healthcare.

Sa kasalukuyan, si Fernando ay isa ng clinical scientist sa Novartis at founder na rin ng Kabataan Charity na kilala sa tawag na “K-Charity” na tumutulong sa mga batang naulila at palaboy sa lansangan.

Larawan ay mula sa thedailysentry

Kung dati’y kariton lamang ang itinutulak niya, ngayon ay may sarili na siyang Porsche Carrera at may sarili na ring bahay sa Dania Beach, Florida.

Larawan ay mula sa thedailysentry

Larawan ay mula sa thedailysentry

Para kay Fernando, “You have to determine what success is to you. It doesn’t have to be millions of dollars. I tell my kids, there’s no problem you can’t be solved. You just won’t like the solution, but the problem can be solved. The takeaway is, you do have to work hard.”

Source: thedailysentry

Source: Furry Category