Isang estudyante binigyan ng reward na pera ng kanyang kuya dahil sa mataas na Grade sa pag-aaral.

Larawan ay mula sa Mary Joy Piquero - Facebook

Paano kung ang mga grades na nakuha natin sa ating mga report card ay biglang naging instant pera bilang reward natin bilang isang estudyante?

‘Yan kasi ang nangyari sa isang netizen na si Mary Joy Piquero. Muli kasing pinag-uusapan sa social media ang post niya noong April 09, 2019 nang ibahagi niya sa online community ang reward na natanggap niya mula sa kanyang Kuya dahil sa kanyang magagandang grades.

Larawan ay mula sa Mary Joy Piquero - Facebook

Caption ni Piquero sa kanyang post: “Kuya: compute-in mo lahat ng grade mo sa final grade *lumabas 1,086* Thankkk Youu kuyaaaa luuvvyouuu.”

Naging pera nga ang mga ito! Makikita kasi sa larawang inilakip niya sa kanyang post ang isang P1000-bill at isang P100-bill – tila may pasobra pa ang ibinigay ng kanyang kapatid sa kanya. Mapapansin din sa naturang litrato ang kanyang report card at ang piraso ng papel kung saan niya isinulat ang total grade niyang 1,086.

Larawan ay mula sa Mary Joy Piquero - Facebook

Umani ito ng mga positibong komento mula sa mga netizens. Karamihan nga sa mga ito ay nag-mention na rin ng kanilang mga kapatid, magulang at iba pang kapamilya at nagbabaka-sakali silang mabigyan din sila ng “biyaya” – from grades to pera!

Sabi nga ng mga netizens, “Baka naman!”

Sa ngayon ay mayroon nang higit 73,000 reacts at 357,019 shares ang nasabing post ni Piquero.

Source: Mary Joy Piquero - Facebook

Source: Furry Category