China Roces, may nilinaw tungkol sa “BABAENG” nabanggit niya sa isang FB Live
Larawan ay mula sa Google |
Klinaro ni vlogger at model China Roces ang tungkol sa nabanggit niyang babae kamakailan sa kaniyang Facebook Live na siyang china-chat daw ng kinakasama niyang si Tim Sawyer.
Ayon kay Roces, walang kinalaman ang kapwa niya vlogger at model ding si Tria Valentin sa matindi nilang away ni Sawyer.
Nabanggit kasi ni Roces si Valentin sa kontrobersyal na FB live nila ni Sawyer; inamin naman ng lalaki na mayroon daw silang “collaboration” na pinag-uusapan ni Valentin.
Dahil dito ay binatikos ng karamihan si Valentin sapagkat nadadawit na ang kaniyang pangalan sa away ng dalawa. Subalit sa isang FB post, ipinagtanggol siya ni Roces at sinabing si Sawyer lamang daw ang may gustong gumawa sila ng video ni Valentin.
Pinakiusapan din ni Roces ang kaniyang mga followers na huwag nang idamay si Valentin at tigilan na ang pangba-bash dito.
Sa FB group naman na “Tria FAM,” nag-post si Valentin at nagpasalamat sa mga taong sumusuporta at tumutulong sa kaniya sa gitna ng nasabing isyu.
“Fam gusto ko lang talaga mag pasalamat sa mga tumulong sakin sa gitna ng issue. Sa mga di nakakakilala pa sakin ng maigi dito as much as possible nilalayo ko ang tria fam sa mga away at gulo kasi mahal ko sila na parang pamilya.
Ayaw ko ng pinapagsalitaan sila ng masasakit di bale nang ako nalang. Sorry kasi di ko na control yung mga pangyayare. Maraming maraming salamat talaga sa lahat minsan naiisil ko parang di ko deserve yung pagmamahal niyo.”
Nagpasalamat din siya kay Roces matapos siyang ipagtanggol nito at hiniling din niyang maging maayos na ang lahat.
Larawan ay mula sa Facebook
“Kay ate China na nanggaling. Sana po maging okay na ang lahat. Praying for you and your family ate China, thank you,” ani Valentin kalakip ang post ni Roces na ibinahagi niya sa kaniyang FB post.
Matatandaang nakilala ang couple na sina Roces at Sawyer dahil sa kanilang mga videos na ang karaniwang content o tema ay tungkol sa mga magkasintahan o mag-asawa.
Source: Furry Category
No comments