Isang painting na gawa noong 1962, may pangitain ba sa magiging buhay sa 2022
Larawan ay mula sa Google |
Kumalat ang isang litrato nitong Mayo na sinasabing isa raw painting na nagawa noong 1962. Ang pamagat ng painting – “Life in 2022.”
Sa nag-viral na larawan, makikita ang mga taong nasa loob ng isang sasakyan na tila isang fish bowl. Kung pagmamasdang maigi, tila isa itong scooter, may manibelang tulad ng mga nasa bisikleta, subalit may salamin na nakabalot sa taong nakasakay rito.
Ayon sa ilang posts ng mga netizens, isa raw itong drawing na inilabas sa isang Italian magazine tungkol sa isang kuwento kung paano mabubuhay ang mga tao sa taong 2022. Ang iba naman ay nagtatanong at nagtataka na maaaring isang “coincidence” ang larawang ito. O talaga bang nagkaroon ng pangitain ang mga namuhay noong 1962 na ganito ang magiging buhay ng mga tao sa 2022?
Hindi naman lingid sa kaalaman ng lahat, tila “delubyo” agad ang sumalubong sa mga tao nang magsimula ang bagong dekada ngayong 2020. Sa katunayan, sa rami ng mga nangyari nitong Enero, hindi mo aakalaing nasa unang buwan pa lamang tayo ng taon.
Isa na nga sa mga masasamang nangyaring naganap sa umpisa pa lamang ng taong ito ay ang cor0nav¡rus. Hinihinalang nagmula ito sa bansang China at kumalat sa buong mundo. Sa kasalukuyan ay naging isa na nga itong pandemya at milyong-milyong mga tao na ang nabiktima nito.
Dahil sa kaganapang ito, nagkaroon na ng “new normal” na pamumuhay ang mga tao kung saan nagsusuot na ng face masks ang mga ito at nararapat lamang na magkaroon ng social distancing. Kaya naman, dito na nagsimula ang pag-viral ng mga posts tungkol sa sinasabing pangitain daw ng nasabing litrato – na tila isang halimbawa ng social distancing.
Samantala, ayon sa “Snopes” na isang website na nagfa-fact check ng mga impormasyon na lumalabas sa Internet, halo raw ang katotohanan sa likod ng larawang ito. Tunay raw na inilabas ito ng isang Italian magazine noong 1962; subalit wala raw itong makitang katibayan na isa nga itong pangitain.
Ayon rin sa kanilang findings sa nasabing litrato, tungkol ito sa Singoletta o singlet – isang uri ng sasakyan na pang-isahan lamang ang sakay.
In 1962, an Italian magazine carried a story on how the world will look in 2022. pic.twitter.com/wfQMK1nYDk
— Danis Tanović (@DanisTanovic) May 14, 2020
Source: pinasbalita
Source: Furry Category
No comments