Kakaibang Face shield at Facemask ng 70 taong gulang na mangyan trending sa social media
Larawan ay mula sa pinasbalita |
Isang 70 taong gulang na Mangyan sa Bulalacao, Oriental Mindoro ang gumawa ng sarili niyang face shield at facemask na gawa sa bao ng niyog, dahil na rin sa kahirapan. Kahit na walang kaso sa kanilang lugar ay nais niya pa ring makatiyak na ligtas siya sa virus.
Ipinalabas sa programang “Kapuso Mo, Jessica Soho” ang isang matandang lalaki na gumawa ng sariling facemask at face shield, na gawa sa bao, nang malaman niyang ipinapatupad ang pagsusuot ng mga ito.
Larawan ay mula pinasbalita |
Gusto ni Mang Lido na sumunod sa utos, kaya naman naisipan niyang gumawa ng sarili niyang gamit para sa kanyang proteksyon. At dahil napapalibutan ng mga puno ng niyog ang kanilang lugar, ito ang naisip niyang gawing materyales para sa kanyang facemask.
Pahayag ni Mang Lido, nakagamit na siya ng facemask na gawa sa tela pero hindi raw niya matagalan ang amoy nito at tila hindi raw siya makahinga ng maayos.
“Hindi ko kaya baga ang amoy kasi ang sarili ko hindi naman sanay sa pabango. Ang hiniga ko dito sa bao parang kinayuran din ng niyog.”
Dagdag pa niya, “Mas maganda ako’y nakauna para nakahanda agad. Mahirap na kasi baka nga dumating din ang COVID.”
Larawan ay mula pinasbalita |
Sinisiguro ni Mang Lido na suot niya ang mga ito sa tuwing siya ay aalis. Masuwerte na nga lang at walang kaso ng virus sa lugar nila. Suot ng matanda ang kanyang facemask sa loob ng 10 oras araw-araw at hindi man lang daw siya nasusugatan. Ayon pa sa kanya, maayos ang pagkakagawa rito at nais niya lamang maging ligtas ang sarili at ang kanilang komunidad.
Larawan ay mula pinasbalita |
Bago pa man dumating ang pandemya, dumaan na sa matinding pagsubok sina Mang Lido at ang kanyang pamilya. Na-diagnose kasi sa sakit na goiter ang kanyang asawa at namatay rin ngayong taon. Kaya naman, sobra ang kanyang pag-iingat sa kadahilanang mahirap ang magkasakit lalo pa’t kulang sila sa pinansiyal.
Add caption |
Dagdag pa ni Mang Lido, “Pambili-bili namin ng mga asin, kape, at asukal. Kulang pa rin kaya kung minsan ang sabi ko do’n sa aking mga apo imbse na ipambili ko ng mask ‘yong pera ko, ipapambili ko na lang ng pagkain.”
Mula sa P100 na kinikita niya araw-araw, hindi umano ito sapat upang makabili ng iba pang pangangailangan.
Source: Furry Category
No comments