Kalalakihan nagkumpulan, walang physical distancing, at karamihan ay walang suot na facemask sa Cebu City, Huli sa Akto
 |
| Larawan ay mula sa SunStar Cebu - Facebook Page |
Nahuli ang ilang mga kalalakihang nagkukumpulan, walang physical distancing, at karamihan ay walang suot na facemask sa Cebu City. Tila walang pakialam sa ipinatutupad na modified enhanced community quarantine (MECQ) sa kanilang lugar.
Sa mga nakunang larawan ng South Road Properties sa bayan ng Cebu, makikitang tila normal lang ang araw na ito para sa ilang mga mamamayan. Makikitang ang iba ay tila masaya at excited habang nanonood ng sabong at sugal na walang suot na facemask at walang social distancing.
Kamakailan lamang ay sinabi sa balita na ang mga barangay sa Cebu ay nasa granular lockdown o nasa “strict quarantine measures.” Naaayon ito sa Executive Order (E.O.) ni Mayor Edgardo Labella. Subalit, tila hindi ito nasusunod base sa mga larawan.
Nasa ilalim ngayon ang Cebu City sa MECQ. Ayon sa E.O., dapat ay may mga barangay captains at tanod na rumoronda at dapat ring paigtingin ang pagpapatupad ng mga preventive measures laban sa COVID-19.
Isinabatas na rin ang mandatory na pagsusuot ng facemask, strict home quarantine, at polisiya sa social distancing. Hinihiling ng Inter-Agency Task Force on the Management of Emerging Infectious Diseases (IATF) na istriktong ipatupad ng lokal na pamahalaan sa kanilang nasasakupan ang mga protocol.
Maaalalang ilang beses nang sumailalim sa lockdown ang Cebu dahil na rin sa tumataas na bilang ng mga nagpositibo sa virus. Ilang karatig bayan na rin ang nagbigay ng payo at aksyon para mabawasan ang mga nagpopositibo sa lugar.
Source: Furry Category
No comments