Nurse na nagka-C0VID-19, pinalayas ng landlady at hindi tinulungan ng nilapitang Barangay
 |
| Larawan: Screenshot mula sa ABS-CBN News |
Pinalayas umano ng landlady ng kanyang inuupahan at hindi pa tinulungan ng nilapitang barangay ang isang frontliner na nurse na nagkaroon ng cor0nav¡rus d¡sease 2019 (C0VID-19).
Kamakailan lang, tinulungan ng Philippine Red Cross ang isang nurse na nagpositibo sa v¡rus. Ang nasabing frontliner ay pinalayas umano sa inuupahan nitong tirahan at hindi rin tinulungan ng health center sa pinuntahang niyang barangay.
Sa isang ulat, isinalaysay ni Dr. Zenaida Beltajar ang kaawa-awa at nakapanlulumong sinapit ng medical worker na itinago sa pangalang Gem.
Kuwento ni Beltajar, nakita niya ang nurse na nakaupo sa isang bangketa habang bitbit ang kanyang mga gamit. Bago raw matagpuan ng doktor ang babae, nagpalakad-lakad sa lansangan si Gem dahil pinalayas siya ng kanyang landlady matapos niyang ipaalam na dinapuan siya ng sakit.
Dahil hindi raw siya makauwi ng Batangas, nagtungo si Gem sa health unit ng Barangay Olympia sa lungsod ng Makati upang humingi ng tulong. Ngunit imbes na tulungan, binigyan lamang daw siya ng contact number na maaaring matawagan kaugnay sa kanyang sitwasyon.
Kaya labis na lang ang pasasalamat ng nurse kay Beltajar dahil sa pagligtas nito sa kanyang buhay.
Ani pa ng doktor, “Nanlumo ako no’ng nakita ko siya. Sobrang sakit kasi imagine people who have been working helping other tapos ganoon ang treatment sa nurse na C0VID-19 positive.”
Nasa pangangalaga na ngayon ng Quezon Institute si Gem na tinamaan ng C0VID-19.
Pinaimbestigahan naman kaagad ni Mayor Abby Binay ang nasabing pangyayari lalo na’t mayroong ordinansa sa kanilang siyudad na bawal ang diskriminasyon sa mga medical worker o sinumang dinapuan ng v¡rus.
Pinagpapaliwanag na rin ng lokal na pamahalaan ang sangkot na landlady, mga kawani ng barangay, at maging ang kompanyang pinagtatrabahuan ni Gem.
Source: Furry Category
No comments