Tignan: Mga Monumento at Rebulto ni Rizal sa iba´t iabang Panig ng Mundo
 |
| Larawan ay mula sa Trending Viral - Facebook Page |
Pinakatanyag na marahil sa mga bayani ng Pilipinas si Dr. Jose Rizal. Sa katunayan ay kilala ang kaniyang monumento sa Luneta Park. Laganap din ang kaniyang mga bantayog sa iba’t ibang panig ng Pilipinas.
Subalit alam ba ninyong may mga bantayog at monumento rin si Rizal sa ibang mga bansa? Maging sa ibayong-dagat at karatig-bayan ng Pilipinas ay mayroong makikitang ganito.
Larawan ay mula sa Trending Viral - Facebook Page
Sa bansang China, mayroong monumento si Rizal na halos kamukha ng nasa Luneta Park. Mayroon ding katulad nito sa Spain. Sa isang bahagi naman ng nasabi pa ring bansa, mayroon ding rebulto si Rizal kung saan nakatayo ito habang tila nakahawak sa kaniyang mga kamay ang isang panulat at papel na nakalatag sa isang mesa; sa ibaba nito ay nakasulat ang mga pangalan niya: “Jose P. Rizal.”
Larawan ay mula sa Trending Viral - Facebook Page
Sa isang parisukat na plaque naman nakasulat ang pangalan ng bayani sa Germany. Ang kaniyang “bust” naman ang nakatindig sa Canada. Sa Paris naman, nakasulat din sa isang plaque ang kaniyang pangalan at indikasyon kung saan siya tumira sa naturang lugar.
Larawan ay mula sa Trending Viral - Facebook Page
Kung sa bansang Japan naman ang pag-uusapan, mayroon ding bantayog dito si Rizal na matatagpuan sa Tokyo. Nakatindig dito ang kaniyang “bust.” Nakalagay rin ang kaniyang pangalan at ang taon ng kaniyang kapanganakan at kamatayan. Nakalagay rin ang mga sumusunod na mga kataga: “Dr. Jose Rizal; National Hero of the Philippines; Stayed in 1888 at Tokyo Hotel located at this site; unveiled June 19, 1961.”
Larawan ay mula sa Trending Viral - Facebook Page
Sa London naman, bilang pag-alala kay Rizal, nakalagay sa loob ng isang bilog ang mga katagang “Creater London Council; Dr. Jose Rizal; 1861-1896; Writer and National Hero of the Philippines lived here.”
Larawan ay mula sa Trending Viral - Facebook Page
May monumento rin ang nasabing bayani sa California. Nakatayo ito at ang kanang kamay ay nasa tapat ng puso habang tila may hawak naman na libro ang kaliwang kamay nito. Nakatayo rin ang bantayog ni Rizal sa Rome (Italya) subalit tila mas simpleng tingnan ito.
Larawan ay mula sa Trending Viral - Facebook Page
Puting rebulto naman ng bayani ng Pilipinas ang nakatindig sa Hawaii. Sa baba nito ay nakasulat ang mga pahayag na: “DR. JOSE P. RIZAL y MERCADO; Born June 19, 1861; Died Dec. 30, 1896 PHILIPPINE NATIONAL HERO.”
Larawan ay mula sa Trending Viral - Facebook Page
Malahigante naman ang bantayog ni Rizal sa Australia. Nakahawak ng libro ang kanang kamay habang nakalapat sa dibdib, samantalang nakataas naman ang kaliwang braso nito. May kalakihan at may kataasan din ang rebulto niya sa Chicago; sa ibaba nito’y nakasulat ang mga salitang “JOSE RIZAL; (1861-1896); National Hero of the Philippines.”
Kung ang dalawang nabanggit ay may kalakihan, itong rebulto naman ni Rizal sa isa pang bahagi ng Australia ay simple at may kaliitan lamang. “Bust” din ito ni Rizal at sa ibaba nito ay may maliit na inskripsyon tungkol sa nasabing bayani.
Larawan ay mula sa Trending Viral - Facebook Page
Plaque rin tungkol kay Rizal ang mayroon sa Austria; nabanggit din dito ang tungkol sa kaniyang paninirahan doon noong nabubuhay pa lamang siya. May “bust” monument din si Rizal sa bansang Czech Republic; simbolo rin daw ito ng pag-alala sa nasabing bayani ayon sa mga pahayag nito sa ibaba. Kalakip din nito ang mga katagang minsang nabanggit daw ng bayani: “A man who does not think for himself lacks personality. The blind man who allows himself to be guided by the thought of another is like the beast by a halter.”
Larawan ay mula sa Trending Viral - Facebook Page
Sa Washington naman, sa lugar na kung tawagin ay Seattle, mayroong “bust” monument din para kay Rizal habang nakalagay ang kaniyang pangalan sa ibaba nito. Sa nasabi pa ring lugar, mayroon silang tinatawag na “Jose Rizal Bridge.” Sa Alaska naman, ulo hanggang balikat lamang ng bayani ang makikita sa kaniyang rebulto. Nakalagay rin dito na iniaalay nila ito bilang pag-alala pa rin kay Rizal. Base rin sa mga nakasulat, maaaring binuksan ang rebultong ito noong Agosto 19, 2012.
Larawan ay mula sa Trending Viral - Facebook Page
Palatandaan lamang ang nakalagay sa isang lugar sa Hong Kong bilang pag-alala kay Rizal. Nakalagay rito ang mga sumusunod na mga salita: “Dr. Jose P. Rizal’ (1861-1896); National Hero of the Philippines lived in this area together with his family from December 1891 to June 1892.”
Larawan ay mula sa Trending Viral - Facebook Page
Hindi rin naman mawawalan ng “alaala” si Rizal sa bansang Argentina: “bust” din ito ng bayani at may maliit na paglalarawan sa ibaba nito. Sa Singapore naman, parang inukit na mukha lamang ni Rizal ang makikita subalit nakalagay naman sa ibaba nito ang sumusunod na pahayag: “‘There can be no tyrants where there are no slaves.’ Jose Rizal Mercado; (1861-1896)” kalakip ang lagda ng bayani.
Larawan ay mula sa Trending Viral - Facebook Page
Ulo lamang naman ni Rizal ang makikitang nakatindig sa bansang Peru, kung saan tila matapang itong nakatingin sa bahaging ibaba. May “bust” din si Rizal sa Indonesia at may simpleng inskripsyon din sa ibaba bilang pag-alala sa kaniya.
Source: Furry Category
No comments