Viral: Babaeng walang suot na Face Mask na sumakay ng Jeep inulan ng batikos. “Wag kang pakialam. Alangan umuwi pa ako o bumili ng face mask at makipag siksikan sa madaming tao??”

Larawan: Screenshot mula sa post ni Daniza Salvadora - Facebook

Viral ngayon sa social media, matapos ipakita ng isang netizen sa kanyang Facebook post, ang isang babaeng sumakay ng jeep habang walang suot na face mask. Marahas daw itong sumakay at 

nagmamaktol pa dahil ayaw niyang bumaba sa jeep.

Sa post ni Daniza Salvadora, ibinahagi niya kung ano ang naging karanasan niya matapos niyang makasabay ang isang pasahero na walang face mask. Sinabihan at kinuwestiyon pa umano ng babae ang kapwa pasahero.

“I just want to share my alarming experience today. While naka sakay ako ng jeep going to ayala passing through Marcos bridge around 3:30p.m. May sumakay na babae na wala suot na face mask!!”

Larawan: Screenshot mula sa post ni Daniza Salvadora - Facebook

Ayon pa kay Salvadora, padabog at mataray pa raw na sumagot ang babae sa matandang kumausap sa kanya na magsuot siya ng face mask.

“One of the elderly na passenger sa jeep, politely reminded her na mag suot ng face mask, maybe akala niya nakalimutan lang ng babae na suotin ito kaso nagalit pa ang babae at padabog pa nito sinupalpal at inaway ang matanda.”

Sa video na kanya ring ipinost, hindi malinaw kung ano ang naging pag-uusap ng babae at ng matanda ngunit maririnig ang pagsasabi ng babae na:

“Wag kang pakialam. Alangan umuwi pa ako o bumili ng face mask at makipag siksikan sa madaming tao??”

Larawan: Screenshot mula sa post ni Daniza Salvadora - Facebook

Larawan: Screenshot mula sa post ni Daniza Salvadora - Facebook

Pahayag pa ni Salvadora, “Naawa ako sa ginawa niya kay Nanay. Concern lang naman ito sa lahat ng pasahero pati na rin sa protocol na kailangan sundin sa lungsod. Wala siya rason at karapatan para umakto ng ganun.”

Dahil sa nangyari, pinilit na pababain ng drayber at ng iba pang pasahero sa jeep ang babae.

“Dahil sa nangyari, we don’t feel safe kaya pinababa siya ng drayber ng jeep.”

“If any of you nakaencounter ng ganitong situation, please vigilant. 

Tulungan natin an gating syudad sa Cagayan de oro na makaiwas sa pandemia. Di ito laro laro lamang, virus ito!” panawagan ni Salvadora.

Ang naturang post ay umabot na ng libo-libong shares at umani ng negatibong komento mula sa mga netizens. Inaalam pa ang pagkakakilanlan ng pasaway na babae.

Source: Daniza Salvadora - Facebook

Source: Furry Category