Andi Eigenmann, may inanunsyong magandang balita sa mismong kaarawan ng kanyang kinakasama na si Philmar
 |
| Larawan ay mula sa Youtube and Instagram |
Sa YouTube channel nina Andi Eigenmann na “Happy Islanders,” ibinahagi niya rito ang pagdiriwang ng kaarawan ng partner niyang si Philmar Alipayo. Ngunit, hindi nila ito ipinagdiwang nang magkasama sa kadahilanang nasa Maynila sina Andi.
Gayunpaman, sinabi ni Andi, “But regardless, we decided to prepare a little “something” for him to make him feel our love, even if we’re far away.”
Dagdag pa ni Andi, mas maganda raw na ibahagi nila ito sa kanilang mga tagasubaybay.
Larawan ay mula sa Google
Isang video clip ang lumabas sa episode ng kanilang channel. Makikita si Philmar na nagsu-surfing habang may kalakip na text na “OUR SURFING CHAMP.” Sunod namang makikita ang sumasayaw na Philmar habang may lumabas na text na nagsasabing “DANCER (NOW YOU KNOW WHERE LILO GOT HER SKILLS).” “ALL-AROUND FUNNY GUY” naman ang sumunod na mababasa, kalakip ang ilang video clips nila ni Andi. Makikita rin sa ibang clips ang pagiging “TIK TOK STAR” ni Philmar. Sunod namang mababasa ang “THE BEST PAPA IN THE WORLD” sa ibang video clips kung saan makikita ang moments nilang pamilya. At isang napaka-sweet na “AND THE BEST PARTNER I COULD ASK FOR” ang mababasa sa mga huling bahagi ng video clips kung saan makikita ang mga moments nilang mag-partner habang ginagawa ang iba’t ibang bagay. “HAPPY BIRTHDAY PAPA!” ang mababasa sa dulo nito.
Bumati rin kay Philmar ang anak ni Andi na si Ellie. Bukod pa rito, nagbigay ng birthday message si Andi para kay Philmar sa pamamagitan ng pagsasalita ng “Siargaonon.”
Kahit kinakabahan, ginawa pa rin daw niya ang makakaya niya upang makapagsalita sa wikang Siargaonon. Sa translation, binati niya si Philmar ng “Happy birthday, Mahal ko! We miss you so much. I hope we get to go home to the island soon so we can be together again.”
Nagpasalamat din siya sa kanyang partner para sa lahat ng kanyang ginagawa para sa kanilang pamilya at para na rin kay Andi. Nagpasalamat din siya sa magandang buhay na mayroon siya ngayon.
“I live in a really nice island, and I live in paradise, because of you and with you and with the kids. I hope you are also happy to have us in your life. To have me. I hope you’ll always be happy,” dagdag pa ni Andi.
Hiniling niya ring magsilbing inspirasyon pa rin si Philmar sa iba at sinabi niyang malapit na nilang maabot ang kanilang pangarap. Nawa’y turuan pa rin daw siya ni Philmar na magsalita ng Bisaya at nangakong paghuhusayan niya pa ang pagsasalita nito.
Nasasabik na rin daw si Andi na muling makabalik sa isla kasama sina Ellie, Lilo, at ang bagong miyembro ng “Happy Islander.”
“Happy birthday, Mahal. We love you so much,” pagtatapos ni Andi.
Sa huling bahagi ng vlog, ipinakita niya ang kanyang baby bump. Sa isang larawan niya, nakalagay ang ganito: “BABY #3 COMING 2021”
Source: Happy Islanders - Youtube Channel
Source: Furry Category
No comments