Matandang Lalaki at Babae, nag-away dahil sa natanggap na bigas at de lata mula sa isang Good Samaritan. Sinipa at kumalat sa kalye ang Bigas
Kumakalat ngayon sa social media ang video kung saan makikita ang isang matandang lalaki na binutas, sinipa at ikinalat sa kalye ang sampung kilo ng bigas at ilang delata matapos ang kanilang pagtatalo ng isang babae.
Nagsimula ang lahat nang isang good samaritan ang nagbigay ng bigas at ilang delata sa mga taong nasa nakatira sa lansangan.
Hindi alam ng good samaritan na dalawang pamilya pala ang mga ito. Kaya pag alis niya ay hindi na nagkasundo ang babae at matandang lalaki na nahantong sa pagtatalo.
Hindi nagkasundo ang dalawa kung paano nila hahatiin ang binigay ng good samaritan kaya naman agad silang nagka-initan at nagaway sa pagkaing natanggap.
Buti na lamang at bumalik ang lalaking good samaritan at isa pang netizen upang mamagitan sa sa dalawang nag-aaway.
Source: Jose Hallorina
Kinausap ni Hallorina ang matandang lalaki at sinabing sa kanya na lamang ang bigas dahil nagbabanta na itong sisipain at ikakalat.
“Wag na lang kayong mamigay para walang away,” sabi ng matandang lalaki.
Sa sobrang galit ng matanda, sinipa nito ang bigas na nakalagay sa plastic hanggang sa ito ay mabutas at kumalat sa kalye.
Pagkatapos ng kanyang ginawa ay agad nang umalis ang matandang lalaki at iniwan ang kumalat na pagkain.
Source: Jose Hallorina
Nagtulong tulong naman sina Hallorina at iba pang napadaan upang pulutin at damputin ang nagkalat na mga bigas sa kalye.
Maya-maya ay bumalik ang matandang lalaki dahil gusto raw nitong magpaliwanag at mangitwaran.
Source: Jose Hallorina
Sabi ng lalaki, sakim raw ang babaeng pinagbigyan ng bigas at delata kaya sila nagtalo.
“Ayusin niyo ang pagbigay niyo,” dagdag pa ng matanda.
“Ang dami niyong binigay, isang tao lang bibigyan niyo. Eh kami nagugutom rin kami,” aniya ng matanda.
Sinubukang kausapin ng mahinahon ni Hallorina at bigyan ng bigas ang matandang lalaki ngunit tumanggi na ito sa alok.
Source: Jose Hallorina
“Ibigay mo na lang yan sir sa nangangailangan.”
“Ayaw ko na niyan. Ibigay mo sa nangangailangan,” dagdag ng matanda.
Narito ang buong video ng pangyayari.
Source: Furry Category
No comments