Kabit, Sinugod At Sinaktan ang Tunay Na Asawa Sa Harap Mismo ng Anak
 |
| Larawan mula sa pinasbalita.org |
Sinugod at sinaktan ng kabit ang isang misis sa mismong lugar ng kanyang pinagtatrabahuan. Ang nasabing pangyayari ay na-video-han pa ng menor-de-edad na anak ng tunay na asawa.
Ayon kay “KH ER,” matagal na umanong sinasaktan ng kanyang mister ang ate niya. Hindi raw nakayanan ng kanyang ate ang ginawang pagsugod at pananakit sa kanya ng kabit ng asawa niyang si Albert Bergamo.
Naganap daw ito sa mismong pinagtatrabahuan ng misis. Nagkataon pa namang kasama niya ang dalawang niyang anak dahil walang mag-aalaga sa kanila at wala rin daw silang permanenteng tirahan.
Nagkasagutan sa chat ang orihinal at ang kabit. Hanggang umabot na sa puntong sumugod na ang huli. Nakatanggap ng sampal at sabunot ang misis mula sa kerida ng kanyang mister.
Nakita ng mga bata ang ginawang pananakit sa kanilang ina at nakuhanan pa nila ito ng video. Hindi nagpapigil ang kabit kahit na ito’y inaawat na – tila wala siyang sinirang pamilya. Na-trauma ang mga bata dahil sa nasaksihang kaganapan.
I-p-in-ost pa ng kabit sa social media ang ginawa niyang pagsugod sa misis ng kanyang kalaguyo. Buong yabang niyang sinabi na patikim pa lamang ang ginawa niyang pananakit.
Wala namang magawa si Bergamo sa alitan ng dalawang babae. Dagdag pa ni “KH ER,” matagal nang sinasaktan ni Bergamo ang misis niya, kaya naman nakipaghiwalay na ito sa kanya. Wala rin daw siyang ibinibigay na sustento sa mga bata kaya napilitan ang ate niyang itaguyod mag-isa ang mga ito.
Panawagan niya, mapansin sana ang kanilang problema. Gusto nilang makulong ang mister ng kanyang ate, maging ang kabit nito, upang mapanatag na ang kanilang mga kalooban.
Source: pinasbalita.org
Source: Furry Category
No comments