Sinorpresa nina Dimples Romana ng bagong bahay ang kanilang kasambahay na nakasama na nila sa loob ng 17 taon.

 

Larawan: Screenshot mula sa youtube video ni Ms. Dimple

        Sinorpresa nina Dimples Romana ng bagong bahay ang kanilang kasambahay na nakasama na nila sa loob ng 17 taon.

Sa kaniyang YouTube channel, ibinahagi ni Dimples na mayroon daw silang nabiling property. Kasama nila ang kasambahay nilang si Vilma na kanila raw “approving committee.” Bago nila gawin ang “house tour” na ito, nagpakilala muna si Vilma, o “Ate V,” at sinabi niyang mabait daw na amo sina Dimples. Inamin niya ring kung sakali raw na umalis na siya sa kanilang poder ay nais niya nang bahay upang sa gayon ay may pagtutuluyan din daw siya.

Napatigil sa pagkukuwento sina Dimples at ang kaniyang asawa tungkol sa mga “good moments” nila kasama si Ate V nang bumalik ito sa kanilang sasakyan. Ipinaliwanag nina Dimples na iyon daw ang gagawin nilang vlog – ang pag-“house tour” sa isang property na “pauupahan” daw nila. Sasabihin daw ni Ate V kung maganda at kung “approve” raw ba ito o hindi.

Kaya pumasok na sila sa loob ng nasabing bahay. Ngunit bago nito ay tinanong nina Dimples kung ayos ba ang gate nito. Sumang-ayon naman dito si Ate V.

Una nilang pinasok ang banyo at ang kusina nito. Nang umakyat na sila sa second floor ay tiningnan din nila ang mga kuwarto. Sa paglilibot na ginawa nina Dimples, ilang beses nag-joke si Ate V na kaniya raw ang bahay na iyon o kaya naman ay baka ay ibibigay raw ito sa kaniya nina Dimples.

At tila tama nga ang hula ni Ate V… na siyang nakapagsorpresa naman sa kaniya.

Pagpasok kasi nila sa isang kuwarto, may nakaayos na mga balloon na nagsasabing “OO PARA SAYO ITO” na may kasama pang standee ni Ate V.  Nagulat si Ate V at tila natahimik pa noong una.

At nang tinanong na nga ni Ate V kung sa kaniya raw ba ang bahay na ipinakita nina Dimples, tumango lamang sina Dimples. Napaiyak na lamang siya at paulit-ulit na sinabing hindi raw niya ito inaasahan.

Nagpasalamat si Ate V kina Dimples at sa asawa niya. Pinasalamatan din nina Dimples ang kanilang kasambahay sapagkat nagpakita raw ito ng kabaitan sa kanila.

Source: Dimples Romana Official - Youtube Channel

Source: Furry Category