Multi-Cab Driver na mainit ang ulo, nambasag ng windshield
Larawan mula sa Facebook
Kumakalat ngayon sa social media ang isang video kung saan mapapanood ang isang lalaking galit na galit na nambasag pa ng windshield ng isang sasakyan.
Sa Facebook post ni Ericson Tan, makikita ang lalaking nagmamaneho ng multi-cab na nagagalit at pinagmumura pa ang isang car owner. Mula sa multi-cab, bumaba ang isang babae na nakabihis ng manager’s uniform ng isang fast food chain.
Nilapitan ng ginang ang naagrabyadong car owner habang kumukuha naman ng video ang huli para i-document ang insidente. Lalapit na sana ang galit na multi-cab driver sa kumukuha ng video na si Tan, ngunit pinigilan siya ng ginang. Nakiusap ang babae na itigil na ang pagbi-video sa nagaganap na pangyayari.
Tila hindi nadaan sa maayos na pag-uusap ang dalawang panig dahil sa ginawang pagbasag ng drayber ng multi-cab sa windshield na mapapanood sa isa pang video. Mababasa nga sa post ni Tan ang caption na, “Grabe to si Kuya, binasag na nga windshield sila pa galit.”
Dagdag pa niya, kung sino pa ang nakaabala ay iyon pa ang may ganang magalit. Makikita sa huling bahagi ng video na umalis na ang multi-cab lulan ang drayber nito at ang nasabing babae.
Komento naman ng mga netizens, dapat lang na masampolan ang lalaking drayber ng multi-cab dahil umano sa kanyang ugali at paninira ng sasakyan ng ibang tao.
Source: TatskyBoy Kulokoy - Youtube Channel
Source: Furry Category
No comments