Plano para sa land use noong 1976, hindi daw sinunod ng gobyerno

 

Source: Radyo Singko 92.3 News FM

            Sa Facebook page ng “Radyo Singko 92.3 News FM,” iniulat na taong 1976 pa nang matukoy na hazard prone-area ang Marikina Valley. Hindi umano sinunod ng gobyerno ang planong pagbawalan ang pagtatayo ng mga bahay sa nasabing lugar.

Source: Radyo Singko 92.3 News FM

            Hindi na nga raw nagulat si Architect Jun Palafox, isang urban planning expert, sa sinapit ng Marikina sa bagyong Ulysses. Hindi na raw kasi sinunod ng pamahalaan noon pang 1976 ang Metro Manila Transport Land Use and Development Project na binuo ng Department of Public Works and Highways (DPWH), Department of Transportation (DOTr), at National Economic Development Authority (NEDA).

Source: Radyo Singko 92.3 News FM

        Sa ipinakitang blue print, natuklasan nila sa mapa na hazard prone area ang Marikina Valley. Delikado rin ang nasabing lugar sa lindol dahil nasa daanan ito ng West Valley Fault, kaya wala raw sanang pinayagang magpatayo ng kabahayan o gusali rito.

Source: Radyo Singko 92.3 News FM

            Pahayag ni Palafox, “Hindi dapat. Kaya yung mga nag-approve ng permits na ‘yan, nabasa nila yung mga recommendations noong 1975, 1976, especially Metro Plan Manila, hindi nasunod yung mga rekomendasyon e.”

Source: Radyo Singko 92.3 News FM

            Nagsulat din si Palafox ng kanyang mga rekomendasyon bilang solusyon sa Office of the President noong 2010 at 2013, subalit binalewala lang daw siya.

Source: Radyo Singko 92.3 News FM

      “All the hazards including earthquakes and landslides, but pinakamarami sa flooding kasi I started writing this after Ondoy, then after Yolanda.”

Source: Radyo Singko 92.3 News FM

            Hanggang wala pa raw aksyon, magtitiis ang mga residente sa mabababang lugar sa mga pagbaha sa tuwing may nararanasang pag-ulan. Lumaki na raw kasi ang populasyon at dumami na ang mga gusali at kongkretong kalsada. Naubos na rin ang mga punong sisipsip sana sa tubig-ulan.

Source: Radyo Singko 92.3 News FM

            Rekomendasyon naman ng environmental planner na si Architect Paulo Alcazaren, dapat umanong mag-iwan ang gobyerno at mga LGUs ng open spaces na maaaring taniman ng mga puno at halaman, at mas maayos kung magkakaroon daw ng batas para dito. 

Source: Radyo Singko 92.3 News FM

Source: Furry Category