Lalaking pinerahan umano ng kaniyang girlfriend na isa palang transgender
 |
| Larawan: Screenshot mula sa video ng Raffy Tulfo in Action - Youtube Channel |
Nagreklamo sa programang “Raffy Tulfo in Action” ang isang lalaking pinerahan umano ng kaniyang girlfriend na isa palang transgender.
Limang buwan daw naging magkarelasyon sina Romulo Ocate at si Nathaniel “Nathalie” Verdejo na nagkakilala lamang sa Facebook. Minsan daw ay napansin niyang tila lalaki raw si Nathalie; tinanong niya raw ito sa mga kapatid niya subalit pinagtatakpan daw nila ito. Hindi raw palasalita si Nathalie subalit boses babae raw ito. Sa tuwing magkakausap naman daw silang dalawa sa video call, kuwento pa rin ni Romulo, lagi raw siyang nakatalukbong ng kumot at laging nasa madilim. Sa tuwing nagdududa na raw siya, tila nagmamadali raw si Nathalie at sinasabing nawawala raw ang signal sa kanila o kaya naman ay wala siyang load.
Reklamo ni Romulo, pinerahan daw siya ni Nathalie. Noong una ay tila utang lamang daw ang ginagawa sa kaniya sapagkat na-stroke raw ang ama ni Nathalie. Hanggang sa umabot na raw sa puntong halos lagi’t lagi na raw siyang nanghihingi ng pera kay Romulo. Marami raw ang halagang nakuha sa kaniya ngunit hanggang P13,000 lamang daw ang maipakikitang resibo ni Romulo sa nasabing programa.
Subalit, depensa naman ni Nathalie, hindi raw niya niloko si Romulo.
Nang sumangguni naman ang host na si Raffy Tulfo kay Atty. Garreth Tungol, Chief of Staff – Office of Rep. Jocelyn P. Tulfo (ACT-CIS Partylist), maaari umanong nasa ilalim ng kasong estafa ang ginawang panlilinlang ni Nathalie kay Romulo sapagkat kahit na boluntaryo raw na ibinibigay sa kaniya ang pera ay hindi raw nito sinabi ang kaniyang tunay na katauhan.
Ani Nathalie, sinabi niya raw kay Romulo na hindi siya tunay na babae at isang transgender. Ngunit ayon naman kay Romulo, hindi niya raw kailanman nalaman ang katotohanan mula kay Nathalie. Nalaman na lamang daw niyang transgender si Nathalie dahil sa isa nitong ate na si Hazel Joy.
Matapos nito’y nakipag-break daw si Nathalie kay Romulo sapagkat itinigil na nito ang pagpapadala ng huling pera. Subalit patuloy pa rin daw kinukulit ni Nathalie si Romulo na ipadala sa kaniyang account ang pera.
“Willing” naman daw si Nathalie na ibalik ang halagang nakuha niya mula kay Romulo.
Source: Raffy Tulfo in Action - Youtube Channel
Source: Furry Category
No comments