Tatay na Fishball vendor, napagtapos ang apat na anak sa kolehiyo
 |
| Larawan ay mula sa Facebook Page ng Pinay Ako |
Napagtapos ng isang amang street food vendor ang apat niyang mga anak sa kolehiyo.
Viral nga sa social media ang ginawang pagpupursigi ng isang ama na mairaos ang pag-aaral ng kanyang anak sa kabila ng nararanasang hirap ng buhay sa pagtitinda ng fish ball, kikiam, kwek-kwek at palamig.
Ibinahagi ni Girlie Verzosa ang kuwento ng sipag at tiyaga ng kanilang mga magulang para makatapos silang magkakapatid ng kolehiyo.
Kwento ni Girlie, noong sila ay nasa elementarya pa lamang ay nagtitinda na umano ng street foods ang kanilang mga magulang para kumita at may maipantustos sa kanilang gastusin sa araw-araw. Madalas nga raw silang tuksuhin ng kanilang mga kaklase dahil sa ginagawang pagtitinda ng kanilang magulang. Ngunit sa tulong na rin ng mga payo ng kanilang magulang ay natutunan nila itong balewalain.
Payo nga ng ama ni Girlie, huwag nilang ikahihiya ang mga bagay na mayroon sila. Huwag din daw mag-astang mayaman para lamang kaibiganin ng ibang tao; mas maganda raw ang pagiging natural.
Lubos namang nagpapasalamat si Girlie sa ginawang sakripisyo ng kanyang mga magulang upang maitaguyod ang kanilang edukasyon.
“Maraming salamat sa Papa ko at Mama ko … Alam ko po na marami kayong gutom na tiniis … Maraming panghihiya ang pinaraya … maraming araw na tirik man ang araw tiniis pa rin kahit nahihilo na … puyat at pagod na … pero lahat ginawa mapatapos lang kami sa pag-aaral … Maraming maraming salamat po
Mahal na mahal po namin kau nila ate…”
Source: Pinay Ako - Facebook Page
Source: Furry Category
No comments