NINANG SERYE: dahil malapit na ang Pasko si kumare humiling ng 15k pesos na Aguinaldo
 |
| Larawan ay mula sa Facebook post ni Kyla Jenner |
Papalapit na naman ang araw ng kapaskuhan, at may ilang ninong at ninang na ang naghahanda para bigyan ng regalo ang kanilang mga inaanak. Sa katunayan ay marami na namang nagsilipanang “ninang and ninong serye” sa social media, kung saan ang ilang mga magulang mismo ang humihingi ng Aguinaldo mula sa kanilang mga kumpare at kumare para sa regalo ng kanilang mga anak.
Subalit, mukhang may hindi na tama kung tila labis-labis na ang panghihingi ng mga magulang sa kanilang mga kumpare at kumare.
Sa isang Facebook post na ini-upload ni Kyla Jenner, makikita ang mga screenshots kung saan ka-chat niya ang ina ng kanyang inaanak.
Sa nasabing chat, direktang sinabi ng ina ng bata na malapit na ang pasko at tinanong niya si Jenner kung maaari bang siya na lamang ang magbayad ng trip to Hong Kong ng kanyang inaanak. Gusto raw kasi ng bata na sumama sa Hong Kong trip nilang mag-asawa kaya kung puwede sana ay siya na lamang ang magbayad ng plane ticket nito.
Magalang namang sinabi ni Jenner na hindi niya afford ang malaking halaga na hinihingi at ang kaya niya lamang ibigay ngayon ay P1000. Ipinaliwanag din niya na may nararanasan pa ring pandemya sa kasalukuyan.
Ngunit tila ipinipilit pa rin ng ina ng bata na tuparin ang minsanang request ng kanyang anak at mag-abot man lang daw sana ng P15,000 ang ninang; kahit siya na lang din daw ang magdadagdag sa kulang na pera. Gayumpaman, kalmado pa ring sinabi ni Jenner na isang libo talaga ang maaari niyang ibigay.
Sa huli ay nagalit ang ina ng inaanak ni Jenner at sinabing pang-almusal lang ng bata ang ibibigay nitong P1000. Binanggit din niyang walang silbing ninang si Jenner dahil wala umanong maaasahan sa kanya ang kanyang anak.
Sa ngayon, ang orihinal na post ni Jenner ay mayroon ng mahigit 8,300 reacts, 2,100 comments, at 12,000 shares.
SIS HINDI NAMAN TINATAE ANG PERA. PINAGHIHIRAPAN YUN. 💔 I DIDN'T EXPECT NA KAYLANGAN I PRESSURE MKO NG GANYAN. AKO NGA...
Posted by Kyla Jenner on Sunday, December 6, 2020
Source: Kyla Jenner - Facebook
Source: Furry Category
No comments