Tricycle Driver, napagtapos ang 4 na anak sa kolehiyo
 |
| Larawan ay mula sa Facebook |
Napagtapos ng isang tricycle driver ang kanyang mga anak at nakapagpatayo pa ng magandang bahay, sa tulong ng kanyang trabaho.
Maraming netizens ang nagalit sa nag-viral na video ng TikTok influencer na si Buknoy Glamurrr kung saan tila minaliit niya rito ang mga tricycle drivers. Dagdag pa ng ibang mga tao, napaka-insensitive raw ng ginawa ni Buknoy sa hirap na dinaranas ng mga tricycle drivers sa tuwing sila’y namamasada para lamang may maipakain sa pamilya at may maipang-tuition sa pag-aaral ng anak.
Wala umanong direksiyon at hindi matutupad ang mga pangarap ng mga tricycle drivers sa kanilang pamamasada. Ani pa ng ibang netizens, hindi raw naisip ng influencer na dahil sa pagsisikap ng mga tricycle drivers ay natutugunan nila ang pangangailangan ng kanilang pamilya.
Samantala, naging trending topic sa Facebook page na “Peso Sense” ang isang pamilya matapos nilang ibahagi ang kanilang kuwento sa pagtatagumpay. Nakapagtapos ng pag-aaral ang mga anak at pinapagawan na ng mansyon ang kanilang mga magulang.
Sila ang isa sa mga nagpapatunay na kahit tricycle driver ang trabaho ng padre de pamilya, may patutunguhan ang kanilang buhay dahil na rin sa taglay nilang sipag at tiyaga. Idagdag pa riyan ang maayos na pagpapalaki nito sa kanyang mga anak.
Ayon nga sa kuwento ng isa sa magkakapatid, tricycle driver ang kanilang ama at mananahi naman ang kanilang ina. Ang kinikita ng kanilang magulang ay “hindi fix.” Kaya, naging working student daw silang magkakapatid at pinilit nilang maging iskolar.
“Sa tulong at awa naman ng Diyos, nakapagtapos po kaming apat. Ako po ay Electrical Engineer, ang pangalawa ay Civil Engineer, ang pangatlo ay Math teacher at ang bunso ay Mechanical Engineer. Sa tulong po ng dasal, tyaga at sipag, nakapasa din po kaming lahat sa board exam (1 take).”
Dagdag pa niya, marahil ay alam ng Panginoon ang ginawang sakripisyo ng kanilang mga magulang para maitawid sila patungo sa pagtatagumpay. Nakapagpatayo na rin sila ng sarili nilang bahay dahil dati ay nakatira lamang sila sa maliit na apartment.
“Eto po ay patunay na may Diyos. Nakikita nya ang lahat. Kailangan lang po nating manalig at sabayan ng tiwala, sipag at tyaga. Kaya po natin maabot ang lahat, kahit kapos, kahit mahirap. Salamat mg aka-PESO.”
Source: Facebook
Source: Furry Category
No comments