Isang aso ang araw-araw nakabantay sa gilid ng selda kung saan ang kanyang amo ay nakulong

Source: Micahael Sumaylo / Facebook

“A dog is a man’s best friend.”

Ito ang pinatunayan ng kuwentong ibinahagi ni Michael Sumaylo na taga-Bohol nang mag-post siya sa “Aspin Lovers Philippines” noong Pebrero 24.

Source: Micahael Sumaylo / Facebook

Batay sa kaniyang post, araw-araw daw niyang nakikita ang isang aso sa labas ng kaniyang pinagtatrabahuan. Noong una ay inakala niya lamang na nagpapahinga ito. Subalit, nang magtanong-tanong siya ay nalaman din niya kalaunan ang kasagutan.

Source: Micahael Sumaylo / Facebook

Hinihintay pala ng aso na lumabas ang kaniyang amo na nasangkot sa isang kaso.

“Napakasakit. Nakadudurog ng damdamin,” pagbabahagi pa ni Micahel.

Dagdag pa niya sa kaniyang post, “Kahit pala anong mangyari andyan sila sumusuporta, umaasa, nagmamahal na walang katapat. Aspin, tunay ka.”

Source: Micahael Sumaylo / Facebook

Dalawang araw matapos nito, nagbigay muli ng update si Michael noong Pebrero 26. Mabait daw ang pulis dahil pinapasok niya ang nasabing aso sa loob ng istasyon.

“10:55 AM, nag-iba po tayo ng detalye. Nakapasok po ako sa station. Nandon po ‘yong aso. Hindi pala umuwi. Mabuti ang pulis. Pinayagan nilang makapasok ang aso. Nasa gilid siya ng selda matutulog, pinapakain ng mga inmates.”

Source: Micahael Sumaylo / Facebook

Humanga ang karamihan sa mga netizens dahil sa kuwentong ito. Subalit may ilang nangamba na baka raw walang mag-alaga sa aso dahil hindi makalabas ang amo nito. Nanawagan din sila sa mga taong may mabubuting puso na kung maaari ay ampunin na lamang ito.

Ngunit isang netizen ang nakapagbahagi sa comment section na umuuwi raw ang aso sa ina ng kaniyang amo at saka ito pinapakain. Ngunit bumabalik pa rin daw ito sa istasyon pagkatapos.

Source: Micahael Sumaylo / Facebook

Source: Furry Category