Kinabiliban ang isang certified DOTA player na nanguna sa March 2021 Physician Licensure Exam
 |
| Source: News5 |
Pinalad ang 1,234 na examinees na makapasa sa ginanap na Physician Licensure Examination nito lamang Marso 2021. Kinilala ang topnotcher bilang si Jeremiah Lim mula sa Far Eastern University – Nicanor Reyes Medical Foundation.
Source: News5
Medyo kabado raw si Lim bago makita ang resulta ng pagsusulit. At nang makumpirma nga na siya ang top 1, halos maiyak umano siya sa tuwa. Siya ang kauna-unahang doktor sa kanilang pamilya na pagtitinda ng tinapay ang hanapbuhay sa Pagbilao, Quezon.
Source: News5
Noong una ay hindi niya sigurado kung anong kurso ang kanyang kukunin. Dumating din sa puntong napanghinaan siya ng loob dahil mahal nga ang tuition ng med school; mabuti na lamang daw at nakakuha siya ng scholarship.
Source: News5
At ngayong bahagi na siya ng mga taong nasa medical field, mas naisip niya na turuan at tulungan ang ibang tao tungkol sa public at community health para makaiwas sila sa mga sakit. Balak naman ni Lim na kumuha ng internal medicines para makatulong sa bawat tao ng komunidad.
Payo naman ni Lim sa mga kapwa niya gamer at estudyante,
"Never akong nag-memorize kasi kahinaan koi yon. More on iniintindi ko sila tapos kino-correlate ko lahat ng subjects para sa ganoon ay madali po yung medicine. Ang advice ko sa mga addict mag-DOTA, okay lang maglaro, pero try nating hatiin yung time. Bigyan ng time inyong pag-aral. Pwede namang 50-50."
Source: News5
Pahayag pa ni Lim:
"Malaking tulong ang pagkakaroon ng magandang credential pagdating sa application sa med school at mag-aral ng mabuti para sa NMAT, HUWAG AKONG TULARAN!"
Payo niya sa mga estudyanteng nag-aasam makapasa:
"Kung may pagkakataon pa, basahin ninyo ang mga libro dahil diyan talaga sila kumukuha ng mga tanong. Para naman sa mga clerk/intern, kung nasaan ka na rotation, sabayan mo ito ng aral ng subject na 'yun dahil diyan ka talaga matututo,"
"Enjoyin niyo ang journey dahil minsan lang tayo maging bata at estudyante upang pagdating ng panahon hindi kayo magsisi na ilang taon ng buhay mo ang sinakripisyo mo para sa pangarap maging doktor."
Source: Furry Category
No comments