Mansyon naipatayo ng isang Online Gamer at Vlogger na dating diswasher na kumikita ng P30 kada araw

Source: Edgar Dumali/ You tube

Akala ng ilan na ang buhay ng isang gamer ay isang simpleng libangan lamang: maghapon lamang nakatutok sa kompyuter o cellphone at walang katapusang paglalaro ng online games. Ngunit, bukod sa libangan, maaari din palang kumita ng malaking halaga sa pamamagitan lamang ng pagiging isang gamer.

Source: Edgar Dumali/ You tube

Kumikita na ng malaki bilang gamer ang lalaking dating dishwasher na kumikita lamang ng P30 kada araw.

Ganito ang kuwento ng vlogger at gamer na si Edgar Dumali. Pagsasalaysay niya, naglayas daw siya noon dahil gusto niyang mag-aral. Pinag-aral naman daw siya ng kanyang ama subalit siya ay nawili sa online games at kailangang kumita ng pera.

Source: Edgar Dumali/ You tube

Dahil nga malayo sa pamilya, pumasok sa iba’t ibang trabaho si Dumali upang masuportahan ang kanyang sarili. Naranasan niyang maging dishwasher sa isang palengke kung saan siya kumikita ng P30 araw-araw.

Source: Edgar Dumali/ You tube

Dagdag pa niya, nasubukan din niyang magtrabaho sa isang panaderya; hindi nga lang daw maganda ang kanyang karanasan doon dahil pinapatulog sila sa tabi ng mga baboy.

Source: Edgar Dumali/ You tube

“Napapaluha ako kapag naaalala ko ‘yong mga pinagdaanan ko,” ani Dumali.

Nang mabaling ang kanyang atensyon sa paglalaro ng online games, hindi raw sang-ayon ang kanyang mga kapatid sa kanyang ginagawa. Sinabi nila na walang patutunguhan ang kanyang buhay kung siya ay magiging gamer.

Source: Edgar Dumali/ You tube

Ngunit, hindi nagpadala si Dumali sa mga sinasabi nila. Pinatunayan niya na ang pagiging gamer ang siyang babago sa kanyang buhay.

Source: Edgar Dumali/ You tube

Naghanap siya ng paraan upang kumita ng pera: ito nga ay sa pamamagitan ng pagba-vlog at pagla-live stream. Ilang taon ang lumipas at nakapagpatayo na siya ng bahay para sa kanyang pamilya.

Source: Edgar Dumali/ You tube

Source: Edgar Dumali/ You tube

Source: Furry Category