Pinatayuan ng isang Amerikano ng bahay ang pamilyang kumupkop sa kanya matapos siyang ma-stranded sa Pilipinas dahil sa nangyaring lockdown

Source: Kapuso Mo, Jessica Soho

Kinilala ang dayuhan bilang si Dustin Borglin, 36 na taong gulang na mula sa Michican USA na isa ring vlogger.

Source: Kapuso Mo, Jessica Soho

Bumisita noong 2016 sa Cebu si Borglin at nagustuhan daw niya ang Pilipinas dahil sa mga magaganda nitong tanawin. Idagdag pa na mabubuti umano ang ugali ng mga Pilipino, kaya bumalik siya noong Marso 2020.

Source: Kapuso Mo, Jessica Soho

Ngunit dahil sa pandemya, na-stranded siya sa Toledo City. Kinailangan niya munang manatili rito pansamantala. Pinatuloy siya ng mag-asawang sina Raymund at Reche Adoptante sa kanilang tahanan.

Source: Kapuso Mo, Jessica Soho

Nagkakilala noong 2016 sina Borglin at Raymund noong bumisita ang una sa Pilipinas. Dahil sa paglalaro ng basketball ay naging magkaibigan ang dalawa. Natuto si Borglin tungkol sa mga kulturang Pilipino at magluto ng mga Filipino dishes.

Source: Kapuso Mo, Jessica Soho

Source: Kapuso Mo, Jessica Soho

Bilang pasasalamat sa pagtanggap sa kanya ng mag-asawa, niregaluhan niya ang mga ito ng bahay. Ani ng dayuhan, “They’re like my family. I’ve known them for almost three years now, and they’ve just been so kind to me.”

Source: Kapuso Mo, Jessica Soho

Labis naman ang saya nina Raymund sa natanggap nilang ‘biyaya’ mula sa isang kaibigan. Hindi niya raw ito malilimutan hanggang sa kanyang pagtanda. 

Source: Kapuso Mo, Jessica Soho

Aminado rin si Borglin na mahirap ang sitwasyong kinahaharap ng mga Pilipino sa panahon ngayon. Kaya gumawa siya ng paraan upang kahit papaano ay makatulong sa ibang tao.

Laking pasasalamat ng mga natulungan ni Borglin at tinatawag siyang santa claus na dumating sa kanilang bayan sa dami niyang natulungan. Sobrang proud naman ang pamilya ni Borglin sa mga ginagawa niyang pagtulong sa mga tao. At kahit na sobrang miss na nila ito ay masaya sila sa mga nagagawa ni Borglin.

Source: Kapuso Mo, Jessica Soho

Source: Furry Category