Viral sa social media ang nakuhang “separation fee” ng isang lalaki sa kanyang pinagtrabahuang agency

Larawan ay mula sa Facebook post ni Amir Jhon Tingdioco

Viral ngayon sa social media ang isang post ng isang netizen matapos makakuha ng mababang “separation fee” mula sa kaniyang pinagtrabahuang agency.

          Sa Facebook page na “Trending Viral,” ibinahagi ang post ng isang netizen na si Amir Jhon Tingdioco matapos umano siyang makatanggap ng P172 lamang na “separation fee” mula sa kaniyang pinagtatrabahuan ng higit dalawang taon.

Larawan ay mula sa Facebook

Larawan ay mula sa Facebook

          “Asan hustisya sa ganitong Agency? For more than 2 years of being Employee nyo ito yung Separation fee o backpay ko 172 Pesos?”

          Ani pa ng netizen, nabalitaan din daw niyang naireklamo sa programa ng host na si Raffy Tulfo ang nasabing agency.

          “Last time balita ko napa Tulfo kayo then nag bigay kayo ng Backpay sa mga nag resign last year. Ngayon ganito Ano to ‘Pasenya na God Bless.’ May separation fee pang nalalaman 172 pesos lang naman pala. Sana binigay nyo nalang sakin ng barya baka maappreciate ko pa. Laking tulong nito sa Pamilya ko.”

          Sa huli ay nanawagan at humingi ng tulong si Tingdioco sa programa ni Tulfo upang maresolba umano ang isyung ito.

          “HUMIHINGI PO AKO NG TULONG SA #raffytulfoinaction NA SANA MATULUNGAN NYO PO AKO, ALAM KONG DI LANG AKO ANG NAKAKARANAS NG GANITO SA AGENCY NA TO. NAWAY BIGYAN NYO PO AKO NG PAGKAKATAON NA MAIPALIWANAG NILA SAKIN NG MAAYOS BAKIT GANITO ANG GINAGAWA NILA SA MGA NAGING EMPLEYADO NILA.”

          Umani naman ito ng iba’t ibang reaksiyon mula sa online community. Narito ang ilan sa kanilang mga komento:

          “Buti kapa nga may 172 pesos samantalang nung ako di man lang binigay sakin back pay ko. Haha. Donation nalang sa kanila, hiyang hiya.”

          “Sorry sa reaction ko, natawa ako kasi cheque pa talaga ah, di pa lang iniabot na personal. Parang nang insult pa sila.”

          “GRABE naman agency yan. Halos dugo’t pawis Ang puhunan sa pagtratrabaho tapos ganyang lang Ang ibibigay. Kasuhan ninyo po. Mga mandurugas pala sila.”

          Sa ngayon ay mayroon nang higit 1,100 reacts, 321 comments at 430 shares ang nasabing post.

Source: Trending Viral and Amir Jhon Tingdioco - Facebook

Source: Furry Category