Low budget na Pre-Nup photo shoot ng magkasintahang may nakaka-inspire ding Love Story

Source: The Budgetarian Bride

Viral ngayon sa social media ang “low-budget pre-nup photo shoot” ng magkasintahan may nakaka-inspire ding “love story.”

Sa isang post na ibinahagi ng Facebook page na “The Budgetarian Bride,” ikinuwento ng soon-to-be-bride ang kuwento nilang dalawa ng kaniyang magiging asawa.

Source: The Budgetarian Bride

“Maaaring hindi ideal ang aming lovestory. Engineer ako, tricycle driver sya. Pero never naming pinag awayan yung mga propesyon namin. Pwedeng tumaas ang kilay ng iba pag nalaman nila kung ano trabaho niya, pero who cares mamsh? Hahaha.”

Source: The Budgetarian Bride

Kitang-kita naman sa mga larawan na nag-e-enjoy ang magkasintahan sa kanilang simple ngunit makahulugang pre-nup photo shoot.

Source: The Budgetarian Bride

Ayon pa sa kanila, hindi raw madali ang kanilang pinagdaanan lalo na ang soon-to-be-groom dahil marami raw siyang natanggap na pangungutya.

Source: The Budgetarian Bride

Ngunit hindi raw sila nagpadala sa kahit anumang panghuhusga ng kahit sino dahil umabot sila ng 14 na taon sa kanilang relasyon, at nagdesisyon nang lumagay sa tahimik.

Source: The Budgetarian Bride

Dagdag pa ng babae sa nasabing post, “Hindi lahat ng kailangan mo, iaasa mo sa magiging asawa mo. Pwede niyo pagtulungan kung anuman ang pangarap ng bawat isa sainyo. Pagkalipas ng labing apat na taon, ito na. Malapit na.”         

                  

Source: The Budgetarian Bride

Ani pa ng babae sa kaniyang kasintahan, kung aalisin daw ang kani-kanilang trabaho – magiging pantay lamang din daw sila sa isa’t isa.

Source: The Budgetarian Bride

“Without the engineer’s hard hat and tricycle driver’s vest, pantay lang tayo.

Mula noon hanggang ngayon, sa lahat ng pagbagsak at pag angat ko sa buhay, naniwala ka saakin at sa kakayahan ko. Hindi ka sumuko. Hindi tayo sumuko. Alam lahat ng kaibigan ko kung gaano ako kaswerteng ikaw ang ka ‘me and my jowa ko.’

Source: The Budgetarian Bride

Wala tayong dapat patunayan sa ibang tao. Gusto ko lang ipagmalaki kung gaano tayo napatatag ng labing apat na taon.

Mahal kita lam.

From soon to be MRS. NOLASCO.”

Source: The Budgetarian Bride

Marami ang humanga sa dalawang ito dahil pinatunayan nilang hindi hadlang ang propesyon sa kanilang pagmamahalan.   

    

Source: The Budgetarian Bride

Samantala, umabot na sa higit 90,000 reacts at halos 94,000 shares ang nasabing post sa Facebook.

Source: The Budgetarian Bride

Source: Furry Category