Str0ke Survivor, patuloy ang paglalako ng Hotdog sa kabila ng kaniyang kundisyon para sa kanyang Pamilya

Source: Neil Bote/Facebook

Isang lalaking na-stroke ang hinangaan ng mga netizens matapos patunayang hindi hadlang ang karamdaman o kapansanan upang maitaguyod ang pamilya sa pamamagitan ng paghahanapbuhay.

Source: Neil Bote/Facebook

Sa Facebook post na ibinahagi ng netizen na si Neil Bote, natagpuan daw niyang naglalako ng hotdog buns si Mang Bobby sa Reposo sa Makati City. Araw-araw umano itong naglalako dala ang isang lalagyang nakakabit sa kaniyang katawan. Makikitang may kabigatan daw ito subalit matiyaga pa ring nagtatrabaho si Mang Bobby upang makatulong sa kaniyang pamilya.

Source: Neil Bote/Facebook

Bilib daw ang nasabing netizen kay Mang Bobby dahil patuloy pa rin daw siyang naghahanapbuhay upang makatulong sa gastusin sa pamilya. Mas lalo raw siyang humanga rito dahil nalaman niyang dati palang na-stroke ang tindero.

Source: Neil Bote/Facebook

Ang nasabing negosyo naman ni Mang Bobby ay tulong umano na nanggaling sa isang foreign non-government organization (NGO) na tumutulong sa mga person with disabilities (PWDs) upang makapaghanapbuhay.

Source: Neil Bote/Facebook

Samantala, may banta pa rin sa trabaho ni Mang Bobby – sapagkat dati nang nagkasakit, hindi siya maaaring magbilad ng matagal sa ilalim ng init ng araw dahil maaari itong magsanhi ng pagtaas sa kaniyang blood pressure.

Nananawagan naman si Neil sa kaniyang kapuwa netizens na kung sakali mang makita o makasalubong nila si Mang Bobby ay bumili sila rito upang kahit papaano’y mabigyan ng tulong ang tindero upang matustusan ang kanilang pangangailangan.

Source: Neil Bote/Facebook

Source: Furry Category