Napagkakamalang bata ang isang Guro sa Bulacan dahil sa mayroon daw itong baby face
Source: GMA News Online |
Isang guro sa Bulacan ang laging napagkakamalang estudyante dahil sa itsurang mukang bata. Hindi talaga maikakailang mayroong baby face ang 22 taong gulang na guro na kinilala bilang si Ian Francis Manga.
Noong siya ay bata pa ay sakitin daw siya at pinaniniwalaang ito ang dahilan kung bakit nagkaroon ng delay sa pag-develop ng kanyang pisikal na katawan lalo na sa kanyang mukha.
Sa panahon ng pagbibinata at noong nasa highschool pa lamang siya ay hindi raw niya naranasang magkaroon ng mga pagbabago sa katawan. Maging ang tubuan ng buhok sa kili-kili o magkabigote ay hindi raw niya naranasan. Ngunit sa kabila ng kaibahan niya sa kanyang mga kaklase ay hindi naman daw siya nakaranas makutya ng iba.
Ayon pa kay Ian, hindi raw sila nagpasyang pumunta sa doktor para kumonsulta dahil hindi naman daw niyang naranasang kutyain.
Ito ang salaysay ni Ian:
“Hindi po ako na-bully kasi I was friendly. Palakaibigan po ako sa kaklase ko. Minsan nabu-bully rin mga hindi ko naman kakilala, kakantahan ka ng mga bulilit. E ‘wag mong pansinin.”
Nakapagtapos ng kolehiyo si Ian. Naipasa rin niya ang kanyang licensure exam sa edad na 22. Matapos niyang maipasa ang kanyang exam ay nagsimula na rin siyang magturo.
Ayon pa kay Ian:
“Nagiging seryoso ako, nagiging seryoso din sila sa akin. Hati ‘yong pagiging strikto sa pagiging teacher. Teacher po ako. Hindi po kailangang always play kailangan may seryosohan din.”
Source: GMA News Online
Source: Furry Category
No comments