Remember Mikee Lee ng PBB Teen Edition 1?
Marahil marami pa ang nakakaalala sa dating artista na si Mikee Lee.
Si Mikee Lee ay nakilala sa showbiz industry nang mapabilang siya sa housemates ni Big brother ng PBB Teen Edition 1 na ipinalabas noong 2006. Isa si Mikee sa 14 na teens na pumasok sa bahay ni kuya na kinabilangan nina Kim Chiu at Gerald Anderson.
Kung matatandaan, unang na-link si Kim Chiu kay Mikee at marami rin noon ang kinilig sa kanilang tambalan. Habang nasa loob pa ng bahay ni kuya napaamin sina Kim at Mikee na mayroon silang crush sa isa’t isa. Ito ‘yung mga panahon na wala pa sa eksena si Gerald Anderson.
Kalaunan, natabunan ang tambalang Kim at Mikee at napalitan ng Kimerald.
Paglabas ng bahay ni kuya, nagkaroon ng ilang proyekto at guestings si Mikee sa ABS CBN pero kalaunan tuluyan na rin nitong iniwan ang mundo ng showbiz at nagpasyang mamuhay ng tahimik at malayo sa limelight.
Mikee Lee nakipagbonding kay Robi Domingo
Ngayong araw, November 16, 2024, nagbahagi ng mga larawan ang actor-host na si Robi Domingo. Sa mga larawan, makikitang kasama niya si Mikee Lee. Magkaibigan sina Mikee at Robi dahil pareho silang nagtapos sa Ateneo.
Walang anumang detalye na ibinigay si Robi sa post na ito pero mababatid na sadya silang nagkita upang makapagbonding. Sa caption ng larawan, mababasa ang mga katagang “2nd Teen Big Placers club.”
Sa comment section, mapapansin naman ang komento ni Kim sa mga larawang ito na ibinahagi ni Robi.
Ani Kim, “OMG!!! MIKEE LEE?!!!![emjois]”
Sinagot naman ni Robi ang komentong ito ni Kim ng mga katagang “@chinitaprincess naghanap kami ng swimming pool para magsolve ng math.”
No comments